MEITEI PHURUP PHAOBA KANBA NGAMDRINGEIDA SANGAI FESTIVAL PANGTHOKPA MATAM CHADE.
SANGAI FESTIVAL TOURISM GI PROJECT NI, ETHAK ERANGGI NATTE: DIRECTOR.
GENERAL STRIKE NA MAHOUSAGI PUNSIDA AKAIBA PIKHRE.
AICC GI SECRETARY CHRISTOPHER TILAK YAONA CONGRESS LUCHINGBA SINGNA TAMENGLONG DA MEEYAM GA UNAKHRE.
BISHNUPUR DISTRICT LEVEL NCORD COMMITTEE GI MEETING MINI SECRETARIAT TA PANGTHOKKHRE.
FIRE SERVICES ANOUBA KHUTSU-KHUTLAI MASINA MEIHOU-LANPOK KI THABAKTA YANGSILLAGANI.
ENAT YOKKHAT LUPKI 4 RAK SUBA KUMMON THOURAM PANGTHOKKHRE.
Lamdam asigi yelhou phurup ama oiriba meiteising phaoba kanba ngamdabagi phibamda leiringei cheirakta Sangai Festival pangthokpa haibasi matam chade. Lamdamsigi meeyam gi ehul khangna thabak pangthokpana achumba oigani khalli haina minister su oiramba Veteran Politician Okram Jaya na phongdokkhre. Sangai Festival haibasi Tourism Sector gi maru oiba Project amani. Ethak-erang khakki oiba kumhei natte. Festival asina Manipurgi art and Culture yaona lamdam asibu Malemda mashak takkadouribani haina Manipur leingakki Directorate of Tourism gi Director Lourembam Bikram na Phongdokkhre. Tourism Directorate amadi All Manipur Working Generalist Union (AMGU) na khutsamnana sinduna Manipur Press Club ki Loktak hall da ‘Tourism Potential in Manipur’ haibasida pangthokkhiba nongmagi oiba Media Workshop saruk yaraduna wapham asi Director na phongdokkhibani. Kangleipak Communist Party-Military Council (KCP-MC) Progessive na koukhiba pung 21 gi General Strike na mahousagi punsida chaona akaiba pikhre. General Strike asina maram oiraga Imphal gi maru oiba Khwairamband Keithel, Paona Keithel amadi Thangal keithel gi dukansing amatta thong hangnakhide. Passenger puba garising amatta chennakhide. Tangaiphadaba private ki oiba garising khaktamak chennakhi. Adum oinamak pharmacy khak nattana hangnakhide. Loinana lam lamgi leiriba Keithel Machasingsu potpham amatta phamnakhide haikhi. Congress party gi mapangal henna kankhathannaba amasung Tamenglong gi meeyamna thengnariba khudongchadabasing khangdokanaba All India Congress Committee (AICC) gi Secretary In-Charge Manipur Christopher Tilak amadi Manipur Pradesh Congress Committee (MPCC) President K. Meghachandra MLA na luchingba kangbu ama numit nini gi khongchatta District Head Quarter da Thunglakhibaga loinana meeyam ga unaduna wari watai sannakhre hairi. Bishnupur District ki Narcotics Control, Transgender welfare and Social Protection gi matangda District Level NCORD Committee Meeting Mini Secretariat Complex ki Conference Hall da ngasi pangthokkhre. Laining-Laison, Kanglup phurup ki kennaba leitana mapham amada chagungnana khunda leitasanba, meihou-langpok su thokkanba lamdamsidadi State Fire Service ki mapangal kankhathanbagi tangaiphadaba lei. Masigumba maru oiba kayasi khangna State Fire Service Department gi sel-thum leiba leitaba thidana houjik Manipur Fire Service Department asigi Director oiriba Laishram Nabachandra Singh na mapung oiba thoudang louduna Department asigi Subordinate Staff singga khutsamnaduna State Fire Service Department chaokhatnaba hotnaribasing asi thagatpham amadi sougatpham jthoke hainaba lei, meihou-langpok haibasidi eigi meegi leite hairi. Enat yokkhat lup (EYL) gi 4 rak suba kummon thouram ngasi Inphal East District ki manung chanba Khongman Okram chuthekta leiba meehul thang-ta sanglen da pangthokkhre. Thouram aduda apunba Huyel lallong lupki President amadi Manipur University of Culture thang-ta Department ki Guest Faculty Okram Manglem Meitei na athoiba meethung, kabui Union Manipur gi President Dr. Heera Kabui na ekai khumnaba meethung aduga enat yokkhat lup ki President Pukrambam Pibarel Khuman na thouram mapu oikhi.
