ISRAELI FORCES NA KHA LEBANON DA MEESING CHENTHOKHALLABA MATUNGDA KANNA AIR STRIKE TOUKHRE.

by
  • 1) Israeli forces na kha Lebanon da mee sing chenthokhallaba matungda kanna air strike toukhre.
  • 2) Point manga gi dabi pidrabadi action loukhatlakkani haina Jamaat na Bangladesh Sarkar da kihankhre.
  • 3) Afghanistan da Measles laichat thokle, vaccine kapthoknaba khanghankhre.
  • 4)Russia gi achouba oil refinery ama Ukraine na amuk hanna mang takhankhre.
  • 5) Lupa lakh 17 reward puba Maoist nupi surrender toukhre.
  • 6) Lupa lakh 10 gi drone na minute khragi manungda punshi mangnaba hidak purakkani wasakkhibani, houjik ufulna yomduna leikhre.
  • 7) Bihar Assembly meekhal gi ahanba tankakta vote thadabagi chang chada 64.7 youduna puwari semkhre.
Lebanon da base touba Iran gi proxy terrorist group Hesbolah na Israel ga wari sanabagi thabak touganu haina khanghankhraba matungda Israeli forces na Town ahum da leiba meesing chenthoknaba hanna warning touraba matungda akanba Air strike chattharakkhibani.
               Mathang chahi gi February thada pangthokkadouribra Bangladesh ki General election gi mangoina political gi erang kanna thoklingei tallakta Jamaat-Islamic na ngasi lakliba tang 11 faobagi manungda makhoigi point 5 gi dabi pidrabadi akanba action loukhatlakkani haina Muhammad Yunus na luchingba marakki Sarkar da kihankhre.
               Afghanistan da measles laichat sandokpagi chang yamna hengatlakle, chahi 5 gi makhada leiba angangsing vaccine kapthokpiyu haina ngasi World health Organisation (WHO) na cheksin wa haikhre. Measles laichat asidagi ngakthoknabagidamak vaccine kapthokpa haibasina khwaidagi faba pambeini. Leina asina houkhiba tha kharasida Afghanistan da angang kayamarum sihankhre hairi.
               Tha ahumrom gi manungda anirak suba oina Russia gi Volgograt lamdamda leiba oil refinery amada Ukrainian Forces na long range drone sijinnaduna attack toukhre haina paogi source singna hairi. Ukraine gi general staff na thadorakkhiba warol amada oil refinery adu Russia gi kha Federal district ta leibani hairi.
               Left wing Extremism gi maiyokta changsina khongjangda achouba mai pakpa ama oina ngasi sagolsel numitta mahakki makokta lupa lakh 17 ki reward puba nupi Maoist ama Chhatisgarh da surrender toukhre.
               February  2024 da houdokkhiba matamda technological gi Revolution amani haina thagatkhiba, AIIMs Hospital dagi supnagi minute kharagi manungda arap arappa khungang singda punshi kannabagi hidak pigani wasakkhiba drone ama houjik ufulna kuptuna leikhre hairi.
               Election Commission of India (ECI) na piba data matung enna Bihar da Assembly meekhalda ahanba tangkakta vote thadabagi chang chada 64.7  youduna puwari semkhre amasung chahi 25 suraba record thugaikhre. Ngasi nungthil pung 3:00 da vote thadabagi chang adu district 18 adugi manungda Bengusarai na khwaidagi yamba oina chada 51.82 youkhi. Madugi mathangda Muzaffarpur (chada 58.40) amasung Gopalganj (chada 58.17) leikhi. District pumnamakki manungda Patna district ta makha tana chada 48.69 da vote thadabagi chang namna leikhi.

Leave a Comment