Kanglei Pao

• Mamangda amungta ukhidriba mawongda Manitex pangthoklagani: ANURAG.
• Masagi channaba mahei-masinggi matung enna nahasingda thabak piba mathou tai: CS.
• ‘Potthok puthokpa khaktana yaroi, sel oina onthokpa chang e’.
• Oak (pig) ta ASF na narakpa, leingakna akanba cheksin thourang loukhatlu!!
• Kumbi keithel yaona khuntak lansikhre.
• Tha asigi 10 dana Bishnupur da aduga 12 dana Nambol da Unity March pangthokkadouri.
• Tripura gi Agartala da Shija Hospital sanabagi urep-uyung tamkhre.

---

Leibak 16 tagi Buyersing laklaga Manitex t saruk yagadouri.

Manipur International Textile Expo (Manitex)ki puwari da amukta ukhidriba mawongda chahi asigi Manitex 2025 tha asigi 8 dagina 12 faoba Nilkuthi da leiba Urban Hut ta pangthoklagani, Leibak 16 tagi Buyer kayana laklaga pangthokkadouriba Manitex ta meeyamna saruk yabiyu haina Textile, Commerce and Industry gi Additional Chief Secretary Anurag Bajpai na fongdokkhre.

                    Masaga channaba mahei-masinggi matung enna meerol asigi hougatlakliba nahasingda thabak piba haibasi maru oi haina Manipur leingakki Textile Commerce and Industry gi Additional Chief Secretary Anurag Bajpai na fongdokkhre.

                    Loumeesingna potthok marang kaina puthokpa khaktana yaroi. Puthokliba potthoksing adu mafam khangna thadoktuna sel oina onthokpa heibasu mathou tai haina Manipur leingakki Horticulture and Soil Conservation Department ki Director K. Debadutta Sharma na fongdokkhre.

                    Malem asida leiriba tongan tonganba meeoi kayana pamna chanariba sasinggi manungda ama oiriba African Swine Fever (ASF) na narakpasi ngasi ngarangta natte. Oak ta masigumba leinana naraktuna sibagi matam kaya dagi thengnarammi. Mamang chahidasu masigumba makhalgi laina-tinna laktuna mamal yamlaba oak kaya sikhibagi pao meeyamna tanaramlagani. Masigumba laina asi yamna toina thokkanba oibanina Manipur leingakki Vetenary Department nasu henna mashak thokpa akanba cheksin thourang loukhatlu hairi.

                    Bishnupur District ki kumbi AC gi yamna maru oiriba State Highway Kumbidagi Wangoo lambi amadi atei lambising semjinbidabagi mayokta chattharakkhiba lambi thingbagi khongjang ngasi humni chanbada Kumbi keithel yaona AC asigi ayamba saruk khuntak lansibaga mannare hairi.

                    Houkhiba October 31 dagi houna chattharakliba Sardar Vallabhai Patel gi 150 suba mapok kumonga mari leinana Bishnupur District ki oina tha asigi 10 Ningthoukaba numitta Bishnupur Block ki oina Kiyamba sanglen da aduga tha asigi 12 yumsakeisa numitta Nambol Block ki oina Indian Peace Memorial Center da Unity March Sardar @150 Padyatra pangthokkadouri hairi.

                    Tripura gi Health Care Infrastructure da henna mapangal kankhathannabagi pandamda Multi Speciality amadi super Speciality Hospital ama oina paikhatkadouriba Shija Hospital Agartala sanaba ngasi Tripura gi Chief Minister Prof. Dr. Manik Saha na urep-uyung tamkhre.

---

• India amadi Taliban khakta nattana Balochistan Khyber Pakhtunkhwa ga amuktada Pakistan na lanthengnaba ngamgadouribra?
• Bangladesh ta dengue pak sanna sandorakpadagi meeoi 292 sikhre 73,923 lomna dengue na nare.
• Saudi-Arabia na F-35 fighter jet 48 lom US tagi leiraba yana leire haina fongdorakli.
• Cease fire manungda Gaza da attack chatthabagi thouwong malemgi matik mayai leiraba muslim Leibak singgi luchingbasingna akanba mawongda yaningdaba fongdokkhre hairi.
• Meesi meena yaoba yuhar (earthquake) ki cheitheng chaona fanglaba Afghanistan da India na akhakpa leitana tengbangkhre.
• Europe ki Leibak na lounam toubiraba Israel gidamak India na chongthoktuna lepkhibagidamak khulang-laman singlakkhre.
• Pakistan gi Sindh State ki manung channa leiba chingda achouba sarung ama semgat sagatlakliba asi nuclear gi khutlai test tounabra haina hangnarakkhre.

India amadi Taliban khakta nattana Balochistan Khyber Pakhtunkhwa ga amuktada Pakistan na lanthengnaba ngamgadouribra haiba wahang asina maram oiraga Pakistan gi luchingba sing ahing tumba yanadre haina report amana fongdorakli. Report asigi matung enna matam amada Pakistan gi achouba yeknaba Leibak asi India khakta oirambani adubu houjik Afghanistan su Pakistan ga achouba yeknaba Leibak ama oirakhre.

Bangladesh ta dengue pak sanna sandorakpadagi meeoi 292 sikhre loinana meeoi 73,923 lomna dengue na nare haina report amana fongdorakli. United News of Bangladesh (UNB) na Directorate General of Health Services (DGHS) ki data da yumfam oiraga thadorakpa report asigi matung enna houjik houjik Bangladesh ki konung Dhaka da dengue nan aba meeoi 1,101 rom hospital da laikatnari.

Trump leingakki official singna fondorakkhiba report asigi matung enna Saudi-Arabia da US ki fighter jet F-35 leinaba handak Saudi-Arabia gi crown prince Muhammad Bin Salman athubada White house ta unnagadouriba asida hainaba thourang paikhatpa houkhre. Karigumba deal asi Leibak anigi marakta yanaba puraklabadi Saudi-Arabia amadi US ki marida ahanba oina khwaidagi chaoba deal ama haibadu oiragani hairi.

               Report asigi matung enna tha asigi houkhiba ningthoukaba numitta malem gi matik mayai leiraba Muslim Leibak Turkey, Saudi-Arabia, UAE, Jordan, Pakistan amadi Indonesia nachingba leibaksinggi Foreign Minister singgi apunba meefam amada Turkey gi konung Istanbul da pangthokkhibani. Meefam aduda mapung oina Gaza da cease fire chatnakhraba matungda semgat sagatpa amadi Gaza da Palestinian singgi anouba leingak ama laknaba hotnabada sougatkadabani haibagi wafamsingdusu foreigh Minister sing adugi marakta khannakhi hairi.

                    Report asigi matung enna handak Afghanistan da thangna thangnana lakkhiba yuhar aduna maram oiraga meeoi 20 lom sikhibani. Aduga meeoi 900 lomna chaona asok apan nangkhibaga loinana amang-atta kaya thokkhibani hairi. Afghanistan gi awabagi matam asida Indiana akhakpa leitana mateng pangkhiba asina maram oiraga India na Afghanistan bu yamna lumna louwi haibasu takkhre hairi.

                    Report asigi matung enna India na Israel gi awaba matamda lepkhiba adu Kargil war gi matamda Israel nasu India da chaona mateng panglakkhibani. Madugi toubimal khangba oina India na Israel gi mateng amuk pangkhibani. Leibak anigi marakta chaona thajanaba amadi support tounaduna lakkhiba puwari asida anouba lamai ama amuk hangladuna Israel amadi India Leibak anina punduna anouba defence Technology gi matangda deal ama tounaraduna Make In India gi manung channa lan gi khutlai kaya punna semminnagadouri hairi.

               Pakistan gi Sindh State ki manung channa leiba chingda yamna lonna-thupna achouba surung ama semgat sagatlakliba asi Nuclear gi khutlai test tounabra haina hangnarakkhre haina fongdorakli. Report asigi matung enna Sindh State ki manungchanna leiba achaoba ching amagi manungda surung sabagi thabak yamna kanna chatthari haibasi leibak asimakki Sindh State ta leiriba meechamsing amadi Sindhudesh Andlan ga mari leinana thabak touba lup amana fongdorakkhibani.

---

• Khoisaonaraba IDP singna DBT gi senfam handokkhre
• Government College singgi awatpa ojasing  athuba matamda hapkadabani: DESAM
• Matam matamgi lakpa leina-tinnadagi ngakthoknaba Bio-Security na amatta ngairaba upaini: DIRECTOR
• Ngagi potthok hengatnaba thabak paikhatlu, heithoi-singthoibasingda thabak sinnou.
• MU na sinduna 3 suba Annual Art Exhibition 2025 gi thouram houdokkhre
• Tokpa Ching awang leikaida Pumlen numit pangthokkre, Pumlen pat sengbagi thabak pangthokpa ngamdri: Radeshyam MLA
• Nongada da Flood Relief Kit sing yenthokkhre.

---

Sudan da chatthariba lan ka henna sathirakliba asida mityeng changduna athubada lan lephanba mathou tare.

Sudan da chatthariba lan ka henna sathirakliba asida mityeng changduna athubada lan lephanba mathou tare haina UN gi General Secretary Antonio Guterres. Malemgi luchingba singda appeal toukhre hairi. Report asigi matung enna UN gi General Secretary Antonio Guterres na Dubai da pangthokpa UN gi achouba meefam amada Sudan Army amadi RSF ka akanba mawongda lan soknariba asi nongma nongmagi henna sathiba hengatlakli. Lan asina maram oiraga Sudan da leiba meecham kaya chaba-thakpa fangdabagi awaba, ana-layengba fangdabagi khudongchaba amadi otpi neibibagi awaba kaya chaona mayoknare. Maram aduna malem gi luchingbasingna Sudan gi lan asida akannaba mityeng changduna cease fire touhanbagi tangai fadaba leire hainasu fongdokkhibani hairi.

Russia na numidang chuppa ama Ukraine da landaduna amang-atta thokhankhre.

Chahi ahum henna Russia amadi Ukraine Leibak anigi marakta chattharakkhiba lan asigi manung channa Russia na houkhiba pung 24 gi manungda numidang chuppa ama nongthaktagi akanba mawongda landaduna paksanna amang-atta kaya thokhankhre hairi. Report asigi matung enna Russia gi lanmeesingna akanba mawongda Ukraine da landaduna Ukraine gi city ama oiriba Pokrovsk hairiba lam lousinba houkhe. Loinana Pokrovsk ki transport amadi logistic hubsingbu Russia gi lanmeesingna makhoigi control makhada thamnaba hotnakhre hairi.

Kalmage nonglei nungshitki cheitheng fanglabasing da tengbangba chatpa helicopter kaibadagi Philippines ta meeoi 5 thiba khangkhidre.

Philippines ta akanba mawongda sitkhiba kalmage hairiba nonglei nungshit asida punna meeoi 26 lom sikhibaga loinana paksanna amang-atta kaya thorakkhibani. Nonglei nungshit asina maram oiraga echao thokpadagi houjik houjik awaba kayasu mayoknaribani. Awaba mayoknariba meeoisingda mateng pangnabagi damak helicopter adu tengbanggi potlam kaya puduna paikhibani. Mindanao Military Command maikeidagi fongdorakpagi matung enna Helicopter kaibagi thoudok aduda houjik thiba khangdana leiriba Airforce ki official sing adu thiba humbagi thabak yamna kanna chathari hairi.

Himalaya gi meter 5,630 rom wangba mafamda unn ningkhairakpadagi chingkaroi 7 lom sikhre.

Himalayagi meter 5,630 rom wangba mafamda unn ningkhairakpadagi chingkaroi 7 lom sikhre hairi. Report asigi matung enna Nepal gi manung channa leiriba Himalaya gi meter 5,630 rom wangba mafamda unn ningkhairakpadagi laibak thiba thoudok aduda chingkaroi 4 romna sathina sokkhi aduga choingkaroi 4 amasu houjik houjik thiba khangdana leiri. Nepal gi police officer Gyankumar Mahato na fongdorakkhibada unn ningkhaibagi thoudok asi Neoal gi Dolakha district ki manung channa leiba Rolwaling hairiba mafam asida thokkhibani hairi.

Mathang chahigi February da Bangladesh ta pangthokkadouriba meekhalda BNP gi candidate 237 thokkadouri.

Bangladesh ta mathang chahi gi February thada pangthokkadouriba meekhalda Bangladesh Nationalist Party (BNP) gi candidate 237 thadokkadouri haina fongdorakli. Pangthokkadouriba meekhal asida Bangladesh ta leiriba political party singna makhoi-makhoigi areiba mapangal puthoktuna meekhal maipaknaba thourangba hounarakkhre. Meekhal asida Leibak asigi hannagi prime minister Khaleda Zia gi party BNP gi seat 237 lom da vote thengnaragani loinana Khaleda Zia su meekhal asida seat ahum dagi meekhal thengnagadouri haina fongdorakli.

Pakistan gi general da Greater Bangladesh Map khudol tamkhraba matungda amuk hanna atamnana Muhammad Yunus na Turkey gi minister singda North East State yaoba map pikhre.

Pakistan gi general da India gi North east ki State sing yaoba Greater Bangladesh ki map khudol tamkhraba matungda Bangladesh ki Interim government gi Chief Muhammad Yunus na amuk hanna atamnana Turkey gi Minister singda North East state yaoba Greater Map pikhre hairi.

Ukraine gi lallakta leiriba Indian maheiroi puraknaba athuba khongthang sing loukhatnaba center da khanghankhre.

Russia Ukraine langi nongmei kapnaba marakta chaptuna leikhraba Indian naha amagi khudongthiningai oiraba maraibak adugi matangda nungnangba fongdokladuna Delhi High Court na ningthoukaba numitta Central Government ta Ukraine gi force singna detain touduna thamkhraba masagi chahi 26 suraba maheiroi Sahil Mohamed Hussein Majoti tekta kaidana puraknaba athuba khongthangsing loukhatnaba Directive pikhre.

---

---

• Churchandpur da Indian army na UKNA gi Cadre mari hatkhre
• Eshagi mafamda nena tana hanjindriba faoba yum sanabagi senfam loukhiroi: COMMITTEE
• Kuki lalhoubasing da khut tharakpa, makha tana su mityeng changfam thok e!!
• Lupa lising taruk faobada Imphal-Guwahati paigadouri, flight ani hengatkadouri
• Airport Authority yaona ACS na meefam pangthokkhre
• Passenger service lepkhre, lambisu thingjinkhre: MEIRA PAIBI
• Old age home da health camp pangthokkhre
• Truck na kilometre 5 henna chenduna pubada meeoi 19 sire

---

Churchandpur district ki manung chanba khangpi village da security force amadi non soo insurgent Group ama oiriba  United Kuki National Army (UKNA) ga akanba mawongda khut thoknabada UKNA gi Cadre 4 Indian Army na hatkhre haina PIP Defence wing na thadorakpa cherol amana fongdorakli. Churchandpur district ta total shutdown laothokkhre. Thoudok asibu yaningdaba fongdokpa oina UKNA, Kuki Inpi, Manipur yaona tongan tonganba Kuki gi CSO singgi maikeidagi condemn tourakli hairi.

Eshagi yum engkholda hannagi matougum nena tana hanjinduna leihanba ngamdriba faoba Torbung Bangla amadi Waikhurok ki meeyam na leingak na piba yum sanaba senfam loukhiroi haina Torbung Bangla Waikhurok ki victim committee gi maikeidagi fongdorakli.

Matam kayagi tungda ngasi ayuk anganbada State asida leiriba meeoibagi punsi amasung lan-thum ngak sennaba leiriba Assam rifles amadi army gi apunba khutpu amana henglep police station na konba Churchandpur district ki henglep sub-division gi manung chanba Khangpi Gangte village da chatthakhiba thiba-humbagi thabak amada houjik-houjik leingakka suspension of operation khutyek pinabada yaodaba khutlai paiba Kuki-zo singgi lalhoulup ama oiriba United Kuki National Army da khut thaduna lalhoulup asigi lanmi mari hatkhibasi angakpa thoudok amani haiba yai haina makha takhi.

Governor Ajay Kumar Bhalla na Leibak asigi union civil aviation minister da Imphal dagina Guwahati amadi Kolkata faobagi flight singgi mamal hengatlakpa amadi flight masing hantharakpa asigi matangda mityeng changbinaba taksinkhraba matung Air India Express ki oina Imphal dagina Guwahati faoba lupa lishing taruk faobagi manungda atongmal louduna flight painaba khanghankhre. Loinana Guwahati amadi Kolkata faobagi flight amamam airline asigi oina athubada hapchillaknabasu khanghanlakkhre hairi.

Bishnupur district ki manung chanba Kumbi dagi Wangoo, Ithai, Nongmaikhong amadi Khordak chatliba lambi asi November thagi 3 faobagi manungda semba houdrabadi lambi asi thingbagi khongjang changsillagani haina laothokkhibagi matung enna ngasi ayuk hounaruba toudana meeyam houraktuna lambi thingjinkhre, Inter village passenger service su lepkhre, Kumbi keithelsu thong hangkhidre hairi.

International day of older person ga mari leinana Bishnupur district ku manung chanba Khoijuman Toubul High school da hangkhiba palem panthou sanglen old age home da health camp pangthokpaga loinana home aduda leiba khangatlaba ahan singda kambal (blanket) khudol tamkhre. Non-communicable disease cell amadi District health society Bishnupur ga khutsamnana older person driving local and global action our well being and our right haiba hiramda pangthokkhiba thouram aduda CMO Bishnupur Dr. L Raichandra, NCD cell Bishnupur gi Nodal officer Dr. S Reshma, old age home Bishnupur gi President Thiyam Yaima amadi senior citizen for society Bishnupur gi president Thiyam Ibopishak na athoiba meethungsing oina saruk yakhi hairi.

Ngarang numidang athengbada Rajasthan gi Jaipur da yu ngaoba Dumper truck driver ama mahakki gari adu control ngamdaduna amadi mayai kaba chinjak adugi ethilna maram oiraga mahakna thouribadu karino khangjadabadagi gari kaya thomlaba matung atoppa gari kharasu km 5 henna chenduna chatpagi thoudok amada houjik faobada meeoi 19 sire hairi.

---

• Laina laiwong khangdana oak(pig) sirakliba asi authority na mityeng changbiyu: MPFA

               Mafam kayada laina laiwong khangdana ok kaya sirakliba asi Vetenary Department yaona mari leinaba singna athubada mityeng changduna thourang paikhatpiyu haina Manipur progressive farmers association na fongdorakli. Manipur press club ta ngasi paomi singga unnabada association asigi Publicity secretary Laishram Bishworjit na hai, moirang khunou, kumbi, khongsang, phibou amadi kakching singnachingba mafam kayada laina laiwong khangdana ok kaya siba thengnare. Meepainingai oiribadi pak sanna khongjel yangna sandorakliba laina asigi laiwong khangdoknabagidamak mari leinaba authority singgi maikeidagi houjik faoba thourang amatta paikhatpagi mami tadaba asini.

• ‘Meekhalda meetop meeyanchasing electoral list ta hapchinbana awaba mayoknaribani’

               Meekhal matamda meeyamgi meehutsingna magi magi voter masing yamnaba haiduna mapandagi changsillakpa meetop meeyanchasing electoral list ta hapchinbana ngasi khunnai asida awaba kaya mayoknaribani haina Manipur keithel nupi marupki secretary Laishram Memma na fongdokhre.

• Maheiroi fu-cheikhibagi thoudok akanba mawongda condemn touwi: AMSU

               Houkhiba October 30 gi numidang pung 9:30 rom tabada Chandel District ki manung chanba Japhou village gi monsang naga students union gi thoumising mayum hallakpagi pallel chatkhibagi lambi Bijapur manakta mashak khangdaba meeoi kharana fu-cheikhibagi thoudok adu All Manipur students union (AMSU) na akanba mawongda condemn touwi hairi.

• Kangpokpi faoraga kukigi pot puthok pusin touba thingle:NPO

               Naga gi living legend oiriba TH Muivah gi poster segairamba thoudokta chennabasing puthoktuna sinnadrabadi tha asiga 5 gi ahing nongyaidagi pung 48 Kangpokpi faoraga kukisinggi pot puthok pusin touba thinglani haina Naga people’s organisation (NPO) gi maikeidagi fongdorakli.

• Ex CM Biren gi khonjelmakni haiba ngamde: NFSL

               Kumja 2023 gi may 3 dagi houduna Manipur da thokliba ethnic violence asigi cheirak erang hounaba enot happani haina maral siraduna social mediagi platform yaona viral oirakkhiba Manipur gi hannagi chief minister Nongthombam Biren gi audio tape ki case ki report National Forensic Science Laboratory (NFSL) Gandhinagar na supreme court ta pikhatlakhre. Audio tape adu temper da toudaba, semdok semjin yaoba thengnare. Voice comparison gidamak scientifically fit oidre. Ex CM Biren gi khonjelmakni haiba ngamde haina NFSL gi report aduna fongdorakhre.

• Principal amadi vice-principal leitabana Heirok Higher Secondary School kangkhong chaire: (HAC)

               Thoubal distrit ki manungchanba Heirok ta leiba Heirok higher secondary school gi principal amasung vice-principal leitabana maram oiraga school asi kangkhong chaire. Maheiroising awaba kaya mayoknare haina Heirok apunba club na fongdorakli. Heirok part 2 Thokchom leikaida leiba heirok apunba club ki office ta ngasi nungthil paomeesingga unnabada apunba club asigi president Wahengbam Jiban na hai, leingakki education department na ngasi faoba higher secondary school asigi principal amasung vice-principal animak happiraktabana maram oiraga maheiroising asukki matik khudongchadaba kaya mayoknare hairi.

• Leingakloina matik chadraga meeyamna kayam wabage haibasi manipur gi lan na sakhini: DPF

               Meeyamna khankhiba meehutsingna matik chadana leingaklakpa matamda meeyamna kayam yamna awa- ana nangbage haibasi kumja 2023 gi may 3 dagi Manipur da hourakliba lan asina sakhini haina Democratic People’s Front (DPF) Manipur gi president dr. Rajibkumar Narengbam na fongdorakli.

---

• Manipur da hindi namfuda impose toubani yaningde adubu India da pullurabanina lon asi khangbadi fei: Leishemba
• Esagi yumda hanjindriba faobadi leingakki yathang elloi: IDP
• Sudhiranjan gi ‘amuktang laklabadi’ haina mingthonba lairik fongkhre
• Khetrimayum sagei gi houraklon haina mingthonba lairik ama fongkhre
• Anouba Manipur amagidamak mathouna maringjel leiba nahasing mathou tari: MAYOL
• Irengbam Chaorengi 68 suba mapok kumon pangthokhre
• Thikadar masel thika munnabada PMGSY gi tender pangthokpa ngamdana leire: L. RAMESHWOR MEITEI

---

Manipur da hindi namfuda impose toubadi yaningde adubu India da pullurabanina lon asi khangbadi fei haina rajya sabha gi MP su oiriba meidingu Leishemba Sanajaoba na fongdokhre.Wafam asi ngasi palace compound da leiba city convention da pangthokkhiba Manipur Rastra Sabha Prachar Samiti Imphal gi Amrit Mahotsav ki thouram amada fongdokkhibani.

IDP sing mayumda hanjilhanbagi mahut leingakna tanthoraklabra

State asida kumja 2023 gi may 3 dagi houduna thokliba erang asina maram oiraga lanjennaraktuna houjik houjik langol gi quarter da Internally Displaced Person (IDP) kaya changjapham louduna leiri.adubu leingakki order amagi matung enna Langol da leiba police pool quarter number 254 hannagum leingakki thabak hounaba khanghallakhre. Masida leingakna IDP singbu masa masa gi yumda hanjilhandriba faobadi leingakki yathang elloi haina IDP singgi maikeidagi wakatlakkhre.

---

Sudhiranjan moirangthem na eba ‘Amuktang laklabadi’ haina mingthonba warimacha gi lairik ama ngasi fongkhre.

Khetrimayum Chandrakumar na eba khetrimayum sagei gi  houraklon haina mingthonba lairik ama ngasi konung mamangda leiba kada gi office ta fongkhre. Thouram aduga mari leinana lairik asigi ayiba khetrimayum Chandrakumar na hai, Meitei khunnaida tongan tonganba yumnaksing lei. Khetrimayum hairiba Meitei gi yumnak asisu angom yekta lei. Yumnak ama leirabadi yek-salai leifam thok e khanduna ngasigi lairik asigi tongan tonganba document kaya tasin khomjinduna fongbani.

Anouba Manipur amagidamak lamdam asigi mathouna maringjel leiba nahasing mathou tari haina Manipur Youth Leaque (mayol) gi president Asem Prince na khutyek piduna thadorakpa cherol amana fongdorakli.

---

Irengbam Chaoren memorial trust na sinduna leikhidraba irengbam Chaoren gi 68 suba mapok Kumon thouram ngasi Manipur university gi auditorium hall da pangthokkhibaga loinana meeyam na mahakki meetamda lei-su kattuna ekaikhumnaba utkhre.

Manipur da PMGSY gi makhada sugadaba thabaksing Rural Engineering Department (RED) na athubada tender touduna ufulna chatpa yadana leiriba lambising athubada semba yanaba thourang paikhatlu haina Keirao AC Gi MLA Lourembam Rameshwor Meitei na fongdokhre.

---

---

State asigi liraba library gi manungda ama oiriba houjik houjik Imphal gi BT road machinda leiriba Manipur public library hayengdagi thong lonbagi phibamda leiribaga loinana library asi ningthina challaiba yanaba darker oiba machak-mathum pibiyu haina manipurgi governor da ayiba cherol piduna wakatkhre hairi.

State asida thokliba tangdu-leitadabana maram oiraga relief camp ta lanjennaduna leiriba IDP singbu President rule leingakna December faobagi manungda phase ahum thokna masha mashagi mayumda hanjilhangani fongdokhrabasu ngasi faoba thabak pangthokpa amadi houbagi mami udri.                Cheiraksida lamdam asida errang leitaba mannaba mawongda sangai festival pangthoknabagi phibam ama lakpasi IDP singbu mafam chana hanjilhandriba faobadi pangthokpiganu haina churchandpur meitei united committee (CMUC), meitei council moreh amadi apex committee of victim village gi apunbana leingakki pukning chingsillakli.