- 1)NGAMMI HAIBAGI MATAGUM DONALD TRUMP NA NAMPHUDA UKRAINE GI LAN LOISINNABA HOTNARAKPAGI THOUWONG LUCHINGBA SINGNA PENNAKHRE.
- 2)MATAM AMADA HEKTA POWERFUL OIRIBA CHINA AMADI JAPAN LEIBAKKI MARAKTA LAN THOKLAKPA YABAGI AKIBA LEIRE.
- 3)GERMAN NA EUROPE LEIBAKSINGGI MANUNGDA MILITARY GI KHWAIDAGI MATIK MAYAI LEIBA LEIBAK OIBA NGAMNABA THOURANGLAKKHRE.
- 4)ISRAEL GI LANMEESINGNA EUROPE KI LEIBAKSINGDA HAMASKI ARONBA TERROR NETWORK PAKSANNA LEIRAMBA THENGNAKHRE.
- 5)CEASE FIRE MANUNGDA ISRAEL NA GAZA DA ATTACK 500 CHATTHADUNA MEECHAM 342 HATKHI.
- 6)PAKISTAN DA SUPNAGI NUMIT 30 NI KHAK SIJINNANABA ESING LEIRI.
- 7)NEPAL GI HANNAGI PRIME MINISTER KP SHARMA OLI MASAGI OIBA TONGANBA LANMEE TENGOL 1 SEMGATNABA THOURANGKHRE.
Ngammi haibagi matagum America gi president Donald Trump na namphuda Ukraine gi lan loisinnaba hotnarakpagi thouwong Europe leibaksinggi luchingba singna kham thengna pennakhidre. Donald trump na aki-akhang chaona piraduna Ukraine gi President Volodymyr Zelensky da point 28 yaoba peace plan adu yadrabadi lan adumak soknaduna leiri. Toubatabu US na Ukraine da matung di panglaroi haina phongdorakkhibani.
Matam amada hekta malemgi khwaidagi powerful oiriba Leibak China amadi Japan gi marakta lan thoklakpa yabagi akiba leire.China na Japan da aki-akhang chaona piraduna mangak haktuna hatkani haiba phaoba phongdoktuna nakal anigi marakta chaona ungkhatnaba hengatlakkhre. Report asigi matung enna Un da China gi Permanent Representative Fu Cong na global body gi secretary general Antonio Guterres ta letter ama eraduna karigumba Japan na Cross Strait Situation da khutlai paiduna khut thingjillaknaba hotnaraklabadi thouwong adu attack amani haina lougani. China gi Permanent representative Fu Cong na palliba Strait hairiba wapham asi mainland China dagi Self Governing gi manung channa Taiwanna tonganna leinaba hotnarakpani.
German na Europe leibaksinggi manungda military gi khwaidagi matik mayai leiba leibak oiba ngamnaba thouranglakkhre haina report amana phongdorakli. German gi chancellor Friedrich Merz Europe leibaksinggi manungda military gi lamda khwaidagi matik mayai leiba Leibak ama oiba ngamnaba hotnaragani haiduna german gi meeyamda washakkhre. Leibak asigi ruling amadi opposition party anigi marakta chaona chayetnaba thokkhraba matungda kainathangda yanaba puraktuna Europe leibaksinggi manungda German na military gi khwaidagi mapangal kanba Leibak ama oiba ngamnabagidamak lakkadouriba chahi 2035 phaobagi manungda houjik leiriba lanmee 1,80,000 dagi lanmee 2,60,000 gi changda hengathannaba amadi Reserve force tasu lanmee lakh 1 rom lounaba thouranglakkhibani.
Europe ki leibaksingda Hamas ki aronba terror network paksanna leiramba Israel gi lanmee singna thengnakhre haina Israel gi secret agency Mossad ki maikeidagi phongdorakli. Mossad ki report asigi matung enna Europe ki leibaksingda leiriba Hamas ki aronba terror network ki makhada thabak touriba khutlai paibasing aduna Europe leibakta leiriba Yahudi singda landanaba thourang tourambani hairi.
America gi President Donald Trump ki mityeng makhada chahi ani henna Gaza da Hamas amadi Israel gi marakta soknakhiba lan ceasefire tounakhraba matungdasu Israel na Gaza da attack 500 rom chatthaduna Gaza gi meecham 342 rom hatkhi haina Gaza government gi media center na phongdorakkhre.
Pakistan meeyam na supnagi numit 30 ni khakki sijinnanaba esing leirakhre haina Leibak asigi Deputy Prime Minister Isak-Darna International forum da wakatkhre hairi. Panba yabadi Pakistan da esing gi awaba chaona mayoknarakliba asi India na handak water treaty cancel toukhiba asinasu achouba maram ama oiri. Loinana Leibak asida nong chubagi chang yamna watlakpanasu esinggi awaba asi chaona mayoknaribani haikhi.
KP sharma Oli na phongdorakpagi matung enna mahakna semgatkadouriba tonganba lanmee Tengol asi Leibak asida palliba leingak asina meecham media amadi thabak touriba meeoisingbu ngak senba ngamdana leiriba asigi yenglaga makhoida security piba ngamnabagi pandam da hotnarakpani hairi. Loinana Communist Party of Nepal-Unified Marxist Leninist (CPNUML) na anouba lanmee Tengol ama semgatkadouriba asi Nepal da achouba erang thokhraba tha anigi matungda hotnarakpani haina phongdorakli.