1)HAMAS NA SARAMBA KILOMETER 7 SANGBA, METER 25 ROM LUBA KA 80 LEIBA SURUNG AMA PHANGBA NGAMKHRE.
2)PAKISTAN GI FACTORY AMA POKHAIBADAGI 15 SIKHIBAGA LOINANA MANAK NAKNA LEIBA YUM KAYA PUMTOI TOINA MANGKHRE.
3)JAPAN NA CHINA GI AKIBA LEIRAKPADAGI MASAGI WASHAK THUGAIJADUNA PATRIOT MISSILES US TA EXPORT TOUKHRE.
4)BRITAIN SU CHAHI 50 GI MATUNGDA US KUMNA IMMIGRATION GI MATHAKTA AKANBA ACTION LOUKHATNABA THOURANG PAIKHATPA HOUKHRE.
5)DONALD TRUMP NA VOLODYMYR ZELENSKY GI NGAKSAMDA THANGSANG THAMDUNA UKRAINE GI LAN LOISINNABA HOTNARAKKHRE
6)TEJAS FIGHTER JET DUBAI AIR SHOW CRASH TOUKHRE, MEIBUL HOUNA POKHAIKHRE, PILOT SIKHRE.
Kilometer 7 sangba, meter 25 rom luba ka 80 leiba Hamas na saramba surung ama Gaza gi Rafa da phangba ngamkhre haina Israel gi lanmee singna phongdorakli. Report asigi matung enna city macha amaga pangkhak oiraba khudongchaba kaya phanglaba Hamas na saramba surung adu Hamas na mapungoina Langi khutlai lottuna thamnaba, meepham pangthoknaba amadi yeknabagi lanphasing thamnaba sijinnarambani. Surung asida 2014 da Hamas amadi Israel ga soknakhiba landa Hamas na hatkhraba Israel gi lanmee Lieutanant Hadar Goldin gi asiba hakchangsu thamduna lakkhibani. Israel gi lanmee singna phangba ngamkhraba surung adu Gaza gi khwaidagi chaoba amadi yamna tamthiraba surung amani hairi.
Factory pokhaibagi thoudok adu Pakistan gi Faislabad ki manung channa leiba Malikpur da Thokkhibai. Faislabad ki commissioner Raja Jahangir na phongdorakkhibagi matung enna pokhaiduna mang takhraba factory aduda Boiler amata leite. Gas leak oibadagi Factory aduda mei chaklakkhibani. Madugi matungda factory adugi nak yetta leiriba factory mari amagasu mei chakkhatlaktuna akiba phangna pokhairakpadagi area aduda leiriba yumsingsu pumtoi toina kaiduna amang ata thokkhibani hairi.
China dagi akiba leirakpana Japan na masagi washak thugaijaduna Patriot PAC-3 missile US ta export touba houkhre haina phongdorakli. KYODO news Agency gi report asigi matung enna Surface tagi Air da target touba ngamba matik mayai leiraba Patriot Missiles asi atoppa Leibak amada amuk pithokpa yaroi haibagi yanaba amagi matung enna Japan na US ta pikhibani. Ningshingba yabadi anisuba lanjao gi matungda Japan na Leibak asigi Military power supnagi masagi security gidamak sijinnagani haina washaktuna lakkhibani hairi.
Britain su US kumna Immigration gi mathakta akanba action loukhatnaba chahi 50 gi matungda thourang paikhatpa houkhre haina phongdorakli. Kier Starmer gi leingakna Leibak asigi oina chahi 50 gi matungda legal migration model da khwaidagi achouba semdok sadokpagi thabak asi paikhatlaknaba hotnarakpani. Report asigi matungenna Britain da atoppa leibaksingdagi laktuna leiriba meeoisinggi mathakta thamlamba chatna-kanglon sing adu handak pumon ollagani haikhi.
Donald Trump na Volodymyr Zelensky gi ngaksamda thangshang thamduna Ukraine gi lan loisinnaba hotnarakkhre haina Financial Times ki report amana phongdorakli. Report asigi matungenna America gi president Donald Trump na Ukraine amadi Russia gi lan loisinnabagi damak puthorakliba point 28 yaoba proposal aduda Ukraine gi lam khara Russia da pithokkhinabagi wapham yaori. Wapham asi yanabagi damak Trump ki maikeidagi angakpa phangna Ukraine gi President Volodymyr Zelensky da pressure pirakkhre. Adubu houjik makki oina Trump na lan loisinnabani haiduna puthorakliba proposal gi wapham aduda Ukraine gi President Volodymyr Zelensky na ayaba amadi yaningbagi wapham amata phongdorakpa leite haikhi.
Dubai air show ngasi Erai gi numityungba matungda flying demonstration amada Tejas Fighter Jet 1 meeyamna yenglingei AL maktum International airport mathakta athaba amuba meikhu kakhatlakkhibaga loinana crash toukhre. Crash aduda pilot adu sikhre haina Indian Air Force na phongdokkhre. Hindustan Aeronotic Limited (HAL) na puthokpa Aircraft-single sheet Light Combat Aircraft adu maphamdagi matamda nungthil pung 2 tabada crash toukhi. Thoudok mapham aduda Fire fighting amasung emergency teamsingna thuna paokhum pikhre amasung mapham aduda thokliba phibam adu houjik manage tow e haina Dubai government na phongdokkhre hairi.