- SANGAI FESTIVAL PANGTHOKPAGI MAIYOKTA IDP SINGNA MASS PROTEST CHATTHAGADOURI.
- SANGAI FESTIVAL GI PARKING TOUHALLAROI.
- SOO DA LEIRIBA LALHOUBASINGNA MANING TAMLAKPA PR LEINGAKSU MAMIT URAKTABA, MANA TARAKTABA!!
- ‘SAYEN NGAYENNADUNA MUTLAMGADABADAGI KALHOUKHIBA MANIPUR PUBLIC LIBRARY LEINGAKNA HOUJIKSU YENGSINBIDRI’.
- SCHOOL COLLEGE GI PHIJOLSING LAMDAM ASIDA SAJABA EYONGGI PHINA MAHUT SINBIYU: LUP 6.
- CHANDEL DISTRICT KI CHAMDIL DA CONGRESSS KI JOINT ORGANISATION MEETING PANGTHOKKHRE.
- KAKCHINGDA AHAL OIRABASINGGI LEGAL AWARENESS PANGTHOKKHRE.
*SANGAI FESTIVAL PANGTHOKPAGI MAIYOKTA IDP SINGNA MASS PROTEST CHATTHAGADOURI.
Tha asiga 21 dagi 30 phaoba pangthokkani haina leingakna sem sariba sangai Festival maikei kayadagi Boycott tounarakkhibagi saruk ama oina tongan tonganba mapham kayada lanjennaduna tampakki Relief Camp singda leiriba IDP singna November 20 da pak sanna sit in protest pangthoklagani. Mamanggi leingak yaona PR leingakna IDP singda piramba thajaba amatta thabakta onthoktuna leiraga Manipur da tagdu-leitare, PR leingakki mai pakle haiba yaroi haina IDP singgi maikeidagi phongdorakli.
*SANGAI FESTIVAL GI PARKING TOUHALLAROI.
Chahi khudinggi pangthokpa Sangai Festival ga mari leinana THE PALACE COMPUND YOUTH WELFARE CLUB sana konung leikaina sinduna leikai asigi lampakta gari parking touhallamba adu chahi asigi oina touraroi haina club asigi general Secretary Mayanglambam Subhasis na thadorakpa cherol amana khanghallakli.
*SOO DA LEIRIBA LALHOUBASINGNA MANING TAMLAKPA PR LEINGAKSU MAMIT URAKTABA, MANA TARAKTABA!!
Meeoibagi punsi amasung lan-thum ngak senduna thamba, state nattraga Leibak adu engna-chikna nungai yaiphana chaokhathanba haibasi leingakki toupham thokpa thoudangni. Masigumba tanjasida Manipur dadi leingakka Suspension of Operation (SOO) khutyek pinaduna leiriba Manipur da operate touduna leiriba makhal khudingmakki lalhoubasingna ngasidi touning touningba touduna maning-makha tamlakliba asida PR leingaknasu mamit uraktaba, mana taraktaba, marol thoklaktabasi yamna laibak thibani haikhi.
*‘SAYEN NGAYENNADUNA MUTLAMGADABADAGI KALHOUKHIBA MANIPUR PUBLIC LIBRARY LEINGAKNA HOUJIKSU YENGSINBIDRI’.
Manipur gi khwaidagi liraba public library ama oiriba kumja 1950 gi June 21 da matamdugi Chief Commissioner Hemat Singh na sanggaduna hangdokkhiba Inphal gi BT Road machin, GM hall ga thangnabada leiriba Manipur Public Library amasung masigi lam sayen ngayennaduna mutlamgadabadagi kumja 2015 da Manipur Public Library (Taking over of Management) Act semduna kalhoukhrabasu ngasida President rule leingak asina yengsinbidaba amadi Management pukning changbidabagi mami chaona tarakpada Library nungshibasingna pendaba amasung nungaitaba phongdoknarakli.
*SCHOOL COLLEGE GI PHIJOLSING LAMDAM ASIDA SAJABA EYONGGI PHINA MAHUT SINBIYU: LUP 6
Lakkadouriba academic session 2026-27 dagi houraga Manipur gi leiriba School, College singgi phijolsing lamdam asida sajaba eyonggi phijol na mahut sinbiyu haina maheiroi lup tarukki maikeidagi mari leinaba singdagi pukning chingsillakli.
*CHANDEL DISTRICT KI CHAMDIL DA CONGRESSS KI JOINT ORGANISATION MEETING PANGTHOKKHRE.
Manipur Pradesh Congress Committee (MPCC) gi mityeng makhada Chandel Block Congress Committee na sinduna District asigi meeyamna thengnariba khudongchadabasinggi matangda Joint Organisation meeting Cum Interaction Program ngasi Chandel District ki manungchanba Chamdil da leiba Town Hall da pangthokkhre.
*KAKCHINGDA AHAL OIRABASINGGI LEGAL AWARENESS PANGTHOKKHRE.
Senior citizens forum Kakching na National Legal Services Authority gi mityeng makhada District Legal Services Authority Thoubal ga khutsamnaduna ahal oirabasing (senior citizen) singgi oiba Legal Awareness ngasi Kakching Wairi Panjao pallum da leiba Forum asina challaiba Senior Citizens Home da pangthokkhre.